شاہ رخ خان نے سائیکل پر بلغاریہ گھومنے کا منصوبہ بنالیا

شاہ رخ خان اوراداکارہ کاجول کی مشہور جوڑی 5 برس بعد ایک بار پھر فلم’’دل والے‘‘ میں جلوہ بکھیریں گے، فوٹو: فائل

---

RAWALPINDI: بالی ووڈ کے کنگ شاہ رخ خان مشرقی یورپی ملک بلغاریہ کی خوبصورتی سے مرعوب ہوگئے اور سائیکل پر گھومنے کا ارادہ ظاہر کردیا۔

بالی ووڈ کے کنگ شاہ رخ خان کی نئی آنے والی فلم ''دل والے'' کی شوٹنگ یورپی ملک بلغاریہ میں جاری ہے جہاں بالی ووڈ اداکار مشرقی یورپ کے ملک بلغاریہ کی خوبصورتی سے مرعوب ہوئے بغیر نہ رہ سکے اور انہوں نے سائیکل پر بلغاریہ گھومنے کی منصوبہ بندی شروع کردی ہے جس کا اظہار انہوں نے اپنے ٹویٹ پیغام میں کیا۔ ٹویٹ پیغام میں ان کا کہنا تھا کہ بلغاریہ کی شامیں بہت خوبصورت ہیں اور میرے خیال سے مجھے سائیکل کی سواری کرنی چاہئے۔

What a beautiful Bulgarian evening…I think I should go for a cycle ride… pic.twitter.com/vVHvxxFeS7

— Shah Rukh Khan (@iamsrk) June 23, 2015

دوسری جانب گزشتہ دنوں فلم ڈائریکٹر روہٹ شیٹھی نے شوٹنگ کے دوران شاہ رخ خان کو گھٹنے کی سرجری کے باعث چلنے پھرنے میں تکلیف کی وجہ سے سائیکل تحفے میں دی تھی۔

واضح رہے کہ بالی ووڈ کے کنگ شاہ رخ خان اوراداکارہ کاجول کی مشہور جوڑی 5 برس بعد ایک بار پھر فلم''دل والے'' میں جلوہ بکھیریں گے۔