گلی کرکٹ سے آئی سی سی کا صدرکیریئر کا دائرہ مکمل ہوگیاظہیرعباس

آج میں جو کچھ اور جس مقام پر بھی ہوں وہ اس ملک اور یہاں کے شائقین کی وجہ سے ملا،ظہیرعباس۔ فوٹو: فائل

---

پاکستان کے سابق کپتان ظہیر عباس نے گلی کرکٹ سے آئی سی سی کا صدر بننے کے اپنے سفر کے بارے میں کہا کہ اس پوسٹ کے ساتھ ہی میرے کیریئر کا دائرہ مکمل ہوگیا۔

یہ میرے لیے غیرمعمولی اور یادگار لمحہ ہے، مجھے آئی سی سی میٹنگ میں کافی عزت اور احترام ملا، وہ سب کچھ ناقابل یقین تھا، ہر کوئی مجھے' جناب صدر' کہہ کر پکار رہا تھا، میں ایک بار پھر یہی کہوں گا کہ آج میں جو کچھ اور جس مقام پر بھی ہوں وہ اس ملک اور یہاں کے شائقین کی وجہ سے ملا۔