امریکا کی دنیا بھرمیں اپنے شہریوں کومحتاط رہنے کی ہدایت

امریکا نے دنیا کے مختلف خطوں میں دہشت گردی کے حالیہ واقعات کے بعد اپنے سیکیورٹی اداروں کومحتاط رہنے کی ہدایت کی ہے۔


ذرائع ابلاغ کی رپورٹ کے مطابق امریکی ہوم لینڈ سیکیورٹی کے سیکریٹری جے جانسن نے ایک بیان میں کہا کہ تیونس، کویت ، فرانس اور دنیا کے دیگر خطوں میں دہشت گردی کے حالیہ واقعات کے بعد سکیورٹی اداروں اور شہریوں کو محتاط رہنے کی ہدایت کی گئی ہے۔

انھوں نے بتایا کہ بالخصوص 4 جولائی کی تعطیل کے موقع پر سکیورٹی فورسز کو الرٹ رہنے کا کہا گیا ہے۔ انہوں نے کسی خاص خطرے کا ذکر نہیں کیا تاہم ان کا کہنا تھا کہ سکیورٹی فورسز ضروری انتظامات کر رہی ہیں۔