راک اسٹار اور برفی کوتجرباتی فلمیں نہ کہا جائے رنبیر کپور

رنبیر کپور نے کہا کہ میں جن فلموں میں کام کرتا ہوں اور جو کردار میں مستقبل کی فلموں میں کرنا چاہتا ہوں وہ میرے لئے بہت خاص حیثیت رکھتے ہیں. فوٹو: اے ایف پی/ فائل

---

بالی ووڈ کے سپر اسٹار رنبیر کپور نے کہا ہے کہ راک اسٹار اور برفی کو تجرباتی فلمیں نہ کہا جائے۔

ممبئی میں میڈیا سے بات چیت کرتے ہوئےانہوں نے کہا کہ وہ فلموں میں تجربات نہیں کر رہے ہیں۔

انہوں نے کہا کہ میں جن فلموں میں کام کرتا ہوں اور جو کردار میں مستقبل کی فلموں میں کرنا چاہتا ہوں وہ میرے لئے بہت خاص حیثیت رکھتے ہیں کیونکہ یہ فلمیں عوام کی تفریح کے لئے بنائی جاتی ہیں۔

رنبیر نےکہا کہ اگر انہیں بھارت کی دیہی زندگی پر مبنی کسی فلم کی پیشکش ہوئی تو وہ ضرور قبول کریں گے۔ انہوں نے کہا کہ وہ اپنے آپ کو نوجوانوں کا آئیڈل نہیں سمجھتے بلکہ ان کے خیال میں بالی ووڈ کے تمام سپر اسٹارز نوجوانوں کے آئیڈل ہیں اور ان کے دلوں میں بستے ہیں۔

رنبیر کپور ان دنوں ایان مکھر جی کی فلم "یہ جوانی ہے دیوانی" کی شوٹنگ میں مصروف ہیں۔