ہالی ووڈ کامیڈین رسل برانڈ بھی دپیکا کے پرستار نکلے

بھارت میں سیکیورٹی کا کوئی مسئلہ نہی بلکہ دپیکا کا ساتھ مل جائے تو کیا ہی کہنے،رسل برانڈ۔ فوٹو: فائل

---

معروف ہالی ووڈ کامیڈین رسل برانڈ بھی بالی ووڈ کے پرستار نکلے۔ کہتے ہیں کہ ان کا بالی ووڈ حسینہ دیپکا پڈوکون پر دل آگیا ہے۔

معروف ہالی ووڈ کامیڈین ان دنوں بھارت کے دورے پر ہیں۔ بھارتی شہر دہلی میں شو کے دوران کامیڈین رسل برینڈ کی مخصوص انداز میں جگت بازی سے جہاں شائقین قہقہے لگانے پر مجبور ہوئے وہیں انھوں نے اپنے کچھ خدشات بھی سنا دیے اور ان کا سب سے بڑا خدشہ بھارت میں سیکیورٹی یا ٹریفک کے مسائل نہیں۔ شوخ و چنچل اداکارہ دپیکا پڈوکون ہیں۔ ان کا کہنا ہے وہ دپیکا پڈوکون پر مر مٹے ہیں۔ انھیں بالی ووڈ اداکارہ کا ساتھ مل جائے تو کیا ہی کہنے۔