امیتابھ اورسلمان سب سے زیادہ پیسے کمانے والی 100 شخصیات میں شامل

فوربز فہرست میں امیتابھ بچن اورسلمان 33ملین کے ساتھ 71ویں پوزیشن پر ہیں ۔ فوٹو : فائل

---

JEDDAH: فوربز میگزین نے "دنیا کی سب سے زیادہ پیسے کمانے والی 100 شخصیات" کی فہرست جاری کردی ہے۔

فہرست میں امیتابھ بچن اورسلمان خان کے مابین 71 ویں پوزیشن پر ساڑھے 33 ملین ڈالر کمائی کے ساتھ ٹائی کی صورتحال پیدا ہوگئی ہے۔ اکشے کمار نے ساڑھے 32 ملین ڈالر کے ساتھ فہرست میں 76 ویں پوزیشن حاصل کرلی ہے، جب کہ بھارتی کھلاڑی مہیندرا سنگھ دھونی کا 82 واں نمبر ہے۔

فہرست کے مطابق بالی ووڈ اداکاروں نے ہالی ووڈ کے ٹاپ اداکاروں لیونارڈی ڈی کیپریو اور چیننگ ٹیٹم کو پیچھے چھوڑ دیا ہے جن کی کمائی 29 ملین ڈالر ہے۔ اس فہرست میں اکشے کمار کی موجودگی حیران کن ہے جو پورے سال میں صرف 4 فلمیں کرتے ہیں،اکشے کی گزشتہ فلم "بے بی" تھی جس نے باکس آفس پر کچھ خاص بزنس نہیں کیا۔

فہرست میں حیرت انگیز طور پر اداکار شاہ رخ خان یا عامر خان جگہ نہیں بنا سکے ہیں، فہرست میں اداکارہ کیٹی پیری 135ملین ڈالرز معاوضے کے ساتھ تیسری، گلوکارہ ٹیلر سوئفٹ آٹھویں پوزیشن پر، بیونسے نولز29ویں ، ٹام کروز52ویں جب کہ جانی ڈیپ87ویں نمبر پر ہیں۔ لیونارڈو معاوضے کے اعتبار سے دنیا کے 89ویں امیر اداکار قرار پائے ہیں۔