فلپائن میں کشتی الٹنے سے 36 افراد ہلاک
کشتی 189 افراد کو وسطی فلپائن کی بندرگاہ اورمک سے لے کر قریبی ساحلی شہر لیتی لے جانے کے لیے روانہ ہوئی تھی
حادثے میں 127 کو بچالیا گیا جب کہ 26 افراد لاپتا ہوئے جن کی تلاش جاری ہے، حکام، فوٹو:فائل
فلپائن کے سمندر میں کشتی ڈوبنے سے 36 مسافر ہلاک جب کہ 26 لاپتا ہوگئے جن کی تلاش کا کام جاری ہے۔
غیر ملکی خبر ایجنسی کے مطابق مسافروں سےبھری کشتی 189 افراد کو وسطی فلپائن کی بندرگاہ اورمک سے لے کر قریبی ساحلی شہر لیتی لے جانے کے لیے روانہ ہوئی تھی کہ بندرگاہ سے کچھ فاصلے پر ہی سمندر کی تیز لہروں میں کشتی کا توازن برقرار نہ رہ سکا جس کے باعث وہ الٹ گئی، حادثے کی اطلاع ملتے ہی فلپائنی کوسٹ گارڈز کے اہلکار جائے وقوعہ پہنچ گئے اور امدادی کارروائیاں شروع کردیں۔
حکام کے مطابق حادثے میں 36 افراد ڈوب کر ہلاک ہوگئے اور 127 کو بچالیا گیا جب کہ 26 افراد لاپتا ہوئے جن کی تلاش کا کام جاری ہے۔ حکام کا کہنا ہے کہ بظاہرلگتا ہے کہ حادثہ سمندرکی طغیانی کی وجہ سے پیش آیا تاہم مسافروں کی تعداد اورکشتی کی گنجائش کو مد نظر رکھ کر تحقیقات کی جارہی ہیں۔
واضح رہے کہ 7100 جزائر مشتمل فلپائن میں روزانہ جہاں ہزاروں افراد کشتیوں پر سفر کرتے ہیں وہیں ہرسال سیکڑوں افراد کشتیاں الٹ جانے سے ڈوب کر ہلاک ہوجاتے ہیں جس کی بڑی وجہ ناقص حفاظتی اقدامات اور گنجائش سے ذیادہ مسافروں کو سوار کرنا بتایا جاتا ہے۔
غیر ملکی خبر ایجنسی کے مطابق مسافروں سےبھری کشتی 189 افراد کو وسطی فلپائن کی بندرگاہ اورمک سے لے کر قریبی ساحلی شہر لیتی لے جانے کے لیے روانہ ہوئی تھی کہ بندرگاہ سے کچھ فاصلے پر ہی سمندر کی تیز لہروں میں کشتی کا توازن برقرار نہ رہ سکا جس کے باعث وہ الٹ گئی، حادثے کی اطلاع ملتے ہی فلپائنی کوسٹ گارڈز کے اہلکار جائے وقوعہ پہنچ گئے اور امدادی کارروائیاں شروع کردیں۔
حکام کے مطابق حادثے میں 36 افراد ڈوب کر ہلاک ہوگئے اور 127 کو بچالیا گیا جب کہ 26 افراد لاپتا ہوئے جن کی تلاش کا کام جاری ہے۔ حکام کا کہنا ہے کہ بظاہرلگتا ہے کہ حادثہ سمندرکی طغیانی کی وجہ سے پیش آیا تاہم مسافروں کی تعداد اورکشتی کی گنجائش کو مد نظر رکھ کر تحقیقات کی جارہی ہیں۔
واضح رہے کہ 7100 جزائر مشتمل فلپائن میں روزانہ جہاں ہزاروں افراد کشتیوں پر سفر کرتے ہیں وہیں ہرسال سیکڑوں افراد کشتیاں الٹ جانے سے ڈوب کر ہلاک ہوجاتے ہیں جس کی بڑی وجہ ناقص حفاظتی اقدامات اور گنجائش سے ذیادہ مسافروں کو سوار کرنا بتایا جاتا ہے۔