امریکی وزارت دفاع کا کہنا ہے کہ شام میں اتحادی افواج کی بمباری سے داعش کا اہم کمانڈر طارق بن طاہر ہلاک ہو گیا۔

پینٹاگون کی جانب سے جاری بیان میں کہا گیا ہے کہ شام میں اتحادی افواج کی بمباری سے داعش کا اہم کمانڈر طارق بن طاہر ہلاک ہو گیا ہے۔ طارق بن طاہر 16 جون کو شدادی میں فضائی حملے میں مارا گیا، یہ داعش کے لئے فنڈنگ اور بھرتیوں کی نگرانی کرتا تھا۔

امریکی وزارت دفاع کے مطابق طارق بن طاہر کے سر کی قیمت 30 لاکھ ڈالر مقرر تھی۔ طارق ہن طاہر کا بھائی بھی 15 جون کوعراق میں ایک حملے میں ہلاک ہو گیا تھا۔