پی سی بی نے زمبابوے میں سہہ ملکی سیریز میں شرکت کی تصدیق کردی

ویسٹ انڈین کرکٹ بورڈ پہلے ہی ٹورنامنٹ میں شمولیت کی تصدیق کر چکا ہے۔ فوٹو: فائل

---

ویسٹ انڈیز کے بعد پاکستان کرکٹ بورڈ نے بھی اگست میں زمبابوے میں ہونے والے سہہ ملکی ٹورنامنٹ میں شرکت کی تصدیق کردی ہے۔

ایکسپریس نیوز کے مطابق پی سی بی حکام نے اگست میں زمبابوے میں کھیلے جانے والے 3 ملکی ٹورنامنٹ میں شرکت کی تصدیق کر دی ہے۔ تین ملکی ٹورنامنٹ اگست سے ستمبر تک زمبابوے میں کھیلا جائے گا تاہم میچز کی تاریخوں کا اعلان بعد میں کیا جائے گا۔

واضح رہے کہ تین ملکی ٹورنامنٹ میں پاکستان اور ویسٹ انڈیز کے علاوہ زمبابوے کی ٹیم بھی شرکت کرے گی۔ ویسٹ انڈین کرکٹ بورڈ پہلے ہی ٹورنامنٹ میں شمولیت کی تصدیق کر چکا ہے۔