سلمان خان اور جیکولین ایک بار پھر ساتھ ساتھ دکھائی دینے لگے

اداکارہ جیکولین فرنینڈس نے افطار پارٹی میں سلمان خان اور ان کے والد کے ساتھ ایک ہی ڈائننگ ٹیبل پر کھانا کھایا، فوٹو:فائل

---

KARACHI: بھارتی سیاست دان بابا صدیقی کے روایتی افطار ڈنر میں بالی ووڈ کے دبنگ سلمان خان ، ورن دھون اور جیکولین نے شرکت کی جب کہ اداکارہ جیکولین فرنینڈس تقریب میں سلمان خان کے ساتھ ساتھ رہیں۔

بھارتی سیاست دان بابا صدیقی کی جانب سے روایتی افطار ڈنرکا اہتمام ممبئی میں کیا گیا جب کہ افطار پارٹی میں سیاسی ،سماجی شخصیات سمیت بالی ووڈ کے دبنگ اسٹار سلمان خان ، ورن دھون، جیکولین فرنینڈس اور دیگر نامور اداکار شریک تھے جب کہ اداکار شاہ رخ خان مصروفیات کے باعث افطار پارٹی میں شریک نہیں ہوئے۔

گزشتہ دنوں دبنگ خان اور سری لنکن حسینہ جیکولین میں اختلافات کی خبریں سامنے آئیں تھیں اور سلمان خان نے جیکولین کو فلم ''کک '' کے سیکوئل سے بھی باہر کردیا تھا تاہم میڈیا رپورٹس کے مطابق اداکارہ جیکولین فرنینڈس نہ صرف افطار پارٹی میں دبنگ خان کے قریب دیکھی جاتی رہیں بلکہ انہوں نے سلمان خان اور ان کے والد کے ساتھ ایک ہی ڈائننگ ٹیبل پر کھانا بھی کھایا۔

واضح رہے کہ 2 سال قبل بابا صدیقی کی افطار پارٹی میں ہی بالی ووڈ کے کنگ شاہ رخ خان اور سلمان خان نے ایک دوسرے کو گلے لگاکر گلے شکوے دور کیے تھے۔