آئی ایم ایف کی پاورکمپنیوں کی نجکاری میں تاخیرپرتشویش

پاورکمپنیوں کے مزدوروں کی جانب سے احتجاج اوردباؤ کی وجہ سے فروخت کاعمل تاخیرکاشکارہے، چیئرمین نجکاری کمیشن

News Agencies July 07, 2015

پاورکمپنیوں کے مزدوروں کی جانب سے احتجاج اوردباؤ کی وجہ سے فروخت کاعمل تاخیرکاشکارہے، چیئرمین نجکاری کمیشن۔ فوٹو: فائل

عالمی مالیاتی فنڈنے پاکستان میں پاورکمپنیوں کی نجکاری میں تاخیرپرتشویش ظاہر کردی۔آئی ایم ایف حکام نے کہا ہے کہ حکومت معاہدے کے مطابق نجکاری پروگرام پرعمل نہیں کر رہی،فیصل آباد الیکٹریسٹی سپلائی کمپنی کی نجکاری رواں سال اگست میں ہونا تھی لیکن اب یہ آئندہ سال مارچ میں کی جائیگی۔

اسی طرح لاہورالیکٹریسٹی سپلائی کمپنی اور اسلام آباد الیکٹریسٹی سپلائی کمپنی کی نجکاری بھی رواں سال اکتوبرکے بجائے آئندہ سال جون تک ہونیکاامکان ہے،دوسری جانب نجکاری کمیشن کے چیئرمین محمدزبیرکاکہناہے کہ پاورکمپنیوں کے مزدوروں کی جانب سے احتجاج اوردباؤ کی وجہ سے فروخت کاعمل تاخیرکاشکارہے۔

ادھرپاکستان اورآئی ایم ایف کے درمیان آٹھویں جائزہ سے متعلق مذاکرات29 جولائی کودبئی میں ہونگے۔مذاکرات کی کامیابی کے بعد پاکستان کیلئے51کروڑڈالرکی آٹھویں قسط جاری کی جائیگی۔ مذاکرات کیلئے وفاقی وزیرخزانہ اسحاق ڈار پاکستانی وفدجبکہ ہینری فنگر آئی ایم ایف کے وفد کی قیادت کریں گے۔