امریکا میں یوم آزادی پرفائرنگ کے واقعات میں 8افراد ہلاک

 مرنے والوں میں ایک 7 سالہ بچہ بھی شامل ہے جو والد کے ہمراہ آتش بازی کا مظاہرہ دیکھ رہا تھا، میڈیا رپورٹس۔ فوٹو: ٹوئیٹر

---

امریکا کے یوم آزادی پر 4 جولائی کو شہر شکاگو میں فائرنگ کے 33 واقعات میں 8 افراد ہلاک اور 41 زخمی ہو گئے۔

ہلاک ہونے والوں میں ایک 7 سالہ بچہ اماری براؤن بھی شامل ہے جو اپنے والد کے ہمراہ آتش بازی کا مظاہرہ دیکھ رہا تھا کہ فائرنگ کا نشانہ بن گیا۔ پولیس کے مطابق ہلاک ہونے والے دیگر افراد کو شہر کے مختلف علاقوں میں نشانہ بنایا گیا ہے، جن میں ایک 16سالہ لڑکا اور ایک 15سالہ لڑکی بھی شامل ہیں۔