وفاقی دارالحکومت اسلام آباد سمیت پنجاب کے مختلف شہروں میں موسلا دھار بارش کے بعد موسم خوشگوار ہوگیا۔

محکمہ موسمیات کا کہنا ہے کہ اسلام آباد میں ہونے والی بارش مون سون بارشوں کا ابتدائی سلسلہ ہے جو عارضی ہے جس کے بعد تیز بارشوں کا سلسلہ ایک مرتبہ پھر شروع ہوگا تاہم آئندہ 24 گھنٹے کے دوران راولپنڈی، اسلام آباد، لاہور، گوجرانوالہ، ڈی جی خان سمیت دیگر شہروں میں مزید موسلا دھاربارش ہوگی۔

دوسری جانب ملک کے سب سے بڑے شہر کراچی میں موسم خوشگوار ہے جہاں آج رات بوندا باندی کا امکان ہے۔