KARACHI: پیپلزپارٹی کے ترجمان سینیٹر فرحت اﷲ بابر نے کہا ہے کہ گزشتہ کئی روز سے تنویر زمانی نام کی ایک خاتون میڈیا پرآرہی ہیں اور خود کو پارٹی کا لیڈراورکبھی کبھی تو پارٹی کا ترجمان ظاہرکررہی ہے۔

فرحت اللہ بابر نے اس بات کی قطعی طورپرتردید کی ہے کہ یہ خاتون پیپلز پارٹی کی رہنما ہیں نہ ان کے پاس پارٹی کا کوئی عہدہ ہے۔ میڈیا پر انٹرویومیں یہ غلط تاثر بھی دیا جا رہا ہے کہ اس خاتون نے سابق صدر آصف علی زرداری سے شادی کی ہوئی ہے، یہ افواہ بھی یہ قطعی طورپرغلط ہے۔