امریکی ریاست میری لینڈ میں فائرنگ سے 3 افراد ہلاک

پولیس نے علاقے کو گھیرے میں لے کر ملزمان کی تلاش شروع کردی ہے ،فوٹو:فائل

---

امریکی ریاست میری لینڈ کے شہر بالٹی مور میں نامعلوم افراد کی فائرنگ سے 3 افراد ہلاک ہوگئے۔

غیر ملکی خبر ایجنسی کے مطابق فائرنگ کا واقعہ بالٹی مور کی میری لینڈ یونیورسٹی کے قریب پیش آیا جہاں دو اطراف سے دو مسلح افراد وین سے اترے اور انہوں نے قریب کھڑے افراد پر اندھا دھند فائرنگ کردی جس کے نتیجے میں 3 افراد ہلاک اور ایک شخص زخمی ہوگیا۔

فائرنگ کے بعد حملہ آور فرار ہوگئے جب کہ پولیس نے علاقے کو گھیرے میں لے کر ملزمان کی تلاش شروع کردی ہے اورشہریوں سے اپیل کی ہے کہ وہ قاتلوں کی گرفتاری میں پولیس کی مدد کریں۔

واضح رہے کہ چند روز قبل بھی مذکورہ علاقے کے قریب ہی فائرنگ کا واقعہ پیش آیا تھا جس میں ایک شخص زخمی ہوگیا تھا۔