ایم کیو ایم کارکن کی گمشدگی عدالت نے تفتیشی افسر کو طلب کرلیا

لاپتہ ابرار احمد کی اہلیہ کی درخواست پر اغوا کا مقدمہ درج کرلیا گیا ہے، پولیس۔ فوٹو: فائل

---

سندھ ہائیکورٹ نے ایم کیو ایم کارکن ابرار احمد کی گمشدگی سے متعلق درخواست پر سماعت کرتے ہوئے تفتیشی افسر کو طلب کرلیا۔

ایکسپریس نیوز کے مطابق پولیس نے ایم کیو ایم کارکن ابرار احمد کے لاپتہ ہونے سے متعلق رپورٹ عدالت میں پیش کردی جس میں کہا گیا ہے کہ لاپتہ ابرار احمد کی اہلیہ کی درخواست پر اغوا کا مقدمہ درج کرلیا گیا ہے جس پر عدالت نے تفتیشی افسر کو آئندہ سماعت پر طلب کرتے ہوئے سماعت 23 جولائی تک ملتوی کردی۔