ڈائریکٹر وشال بھردواج کا اجے دیوگن اور تبو کے ساتھ فلم بنانے کی خواہش کا اظہار

اجے دیوگن نے ڈائریکٹر وشال بھردواج کی فلم’’اوم کارا‘‘ جب کہ اداکارہ تبو نے ’’مقبول‘‘ اور’’ حیدر‘‘ میں اداکاری کے جوہر دکھائے ہیں ، فوٹو:فائل

---

بالی ووڈ کے نامور ڈائریکٹر وشال بھردواج نے ایکشن ہیرو اجے دیوگن اور اداکارہ تبو کے ساتھ فلم بنانے کی خواہش کا اظہار کیا ہے۔

وشال بھردواج نے بالی ووڈ میں میوزک کمپوزر کی حیثیت سے قدم رکھا تاہم ہدایت کاری کے میدان میں بھی کامیابی حاصل کی اور بالی ووڈ کو کئی بلاک بسٹر فلمیں دیں۔ بالی ووڈ اداکار اجے دیوگن نے ڈائریکٹر وشال بھردواج کی فلم ''اوم کارا'' جب کہ اداکارہ تبو نے ''مقبول'' اور'' حیدر'' میں اداکاری کے جوہر دکھائے ہیں تاہم دونوں اداکاروں نے ایک ساتھ ان کی کسی بھی فلم میں کام نہیں کیا ۔ وشال بھردواج کا کہنا تھاکہ ان کی خواہش ہے کہ بالی ووڈ کے ایکشن ہیرو اجے دیوگن اور اداکارہ تبو ان کی فلم میں ایک ساتھ کام کریں۔