حنیف خان قومی ہاکی ٹیم کے نئے چیف کوچ مقرر
شاہد علی خان کی جگہ گول کیپنگ کوچ کے لیے احمد عالم کا انتخاب کیاگیاہے
پی ایچ ایف نے اختررسول کی جگہ سابق چیف سلیکٹرحنیف خان کو کوچنگ کی ذمہ داریاں سونپیں ہیں. فوٹو: فائل
پاکستان ہاکی فیڈریشن نے حنیف خان کو قومی ہاکی ٹیم کا نیا چیف کوچ مقررکردیا ہے۔
ایکسپریس نیوز کےمطابق پی ایچ ایف نے اختررسول کی جگہ سابق چیف سلیکٹرحنیف خان کو کوچنگ کی ذمہ داریاں سونپیں ہیں جبکہ اختررسول کو مینجر کے عہدے تک محدود رکھا جائے گا۔
شاہد علی خان کی جگہ گول کیپنگ کوچ کے لیے احمد عالم کا انتخاب کیاگیاہے۔
پی ایچ ایف نے سلیکشن کمیٹی میں بھی کچھ تبدیلیاں کی ہیں جس کے تحت حسن سردار کو چیف سلیکٹر مقرر کیا گیا ہے، ان کےساتھ خالد بشیر، رحیم خان، ارشد چوہدری اور رانا مجاہد بھی سلیکشن کمیٹی کے ممبر ہوں گے۔