وقاص شاہ قتل کیس گواہوں نے گرفتار ملزم آصف کو شناخت کرلیا

ملزم آصف کو استغاثہ کے 2 گواہوں نے شناختی پریڈ کے دوران شناخت کیا۔ فوٹو:فائل

---

KARACHI: متحدہ قومی موومنٹ کے کارکن وقاص شاہ کے قتل کے الزام میں گرفتارملزم آصف کو گواہوں نے شناختی پریڈ کے دوران شناخت کرلیا۔

ایکسپریس نیوز کے مطابق ایم کیو ایم کے کارکن وقاص شاہ کے قتل کے الزام میں گرفتار ملزم آصف کو پولیس نے چہرے پر کپڑا پہنا کر مقامی عدالت میں پیش کیا اس موقع پر شناختی پریڈ کے دوران استغاثہ کے 2 گواہوں نے ملزم کو شناخت کرلیا۔

واضح رہے کہ ایم کیو ایم کے مرکز نائن زیرو پر 11 مارچ کو رینجرز کے چھاپے کے دوران کارکن وقاص شاہ نامعلوم گولی کا شکار بن گیا تھا جس کے الزام میں رینجرز نے شکارپور میں کارروائی کرتے ہوئے ملزم آصف کو گرفتار کیا۔