ہدایت کار ریموڈی سوزا کا ’’اے بی سی ڈی‘‘ کا تیسرا سیکوئل بنانے کا اعلان

فلم ’’اے بی سی ڈی 2‘‘ 19 جون کو ریلیز کی گئی تھی جب کہ فلم باکس آفس پر کامیابی سے بزنس کررہی ہے ، فوٹو:فائل

---

بالی ووڈ ڈائریکٹر ریموڈی سوزا نے فلم ''اے بی سی ڈی 2'' کی کامیابی کے بعد فلم کا تیسرا سیکوئل بنانے کا اعلان کردیا۔

بالی ووڈ کے مشہور کوری گرافرریمو ڈی سوزا نے ہدایت کاری کے میدان میں قدم رکھا اور پہلی ہی فلم ''اے بی سی ڈی 2''باکس آفس پر کامیابی حاصل کرتے ہوئے 100 کروڑ سے زائد کا بزنس کرلیا جب کہ فلم میں اداکار ورن دھون اور شردھا کپور نے مرکزی کرداراداکیا۔

بھارتی میڈیا کےمطابق فلم کی کامیابی کے بعد ریمو ڈی سوزا نے فلم کے تیسرا سیکوئل بنانے کا اعلان کرتے ہوئے کہا کہ تیسرے سیکوئل کی کاسٹ میں کوئی تبدیلی نہیں کی جائے گی اور اداکار ورن دھون اور شردھا کپور ہی فلم میں مرکزی کردار اداکریں گے۔

واضح رہے کہ فلم ''اے بی سی ڈی 2'' 19 جون کو ریلیز کی گئی تھی جب کہ فلم باکس آفس پر کامیابی سے بزنس کررہی ہے ۔