مک مکا کرنیوالے حکمرانوں کی موجودگی میں کرپشن ختم نہیں ہوسکتی عمران خان

عمران خان نے کہا ہے کہ کرپشن کے خاتمے کیلیے ملک میں ایماندار قیادت ضروری ہے، مک مکا کی سیاست کر نیوالے حکمران ہونگے تو کرپشن او ر دیگر مسائل بھی ختم نہیں ہوسکیں گے۔


وہ گذشتہ روز شوکت خانم میں فنڈ ریزنگ کیلیے افطار ڈنر کے موقع پرگفتگو کر رہے تھے۔ انھوں نے مزید کہا کہ نئے پاکستان کے خواب کو دنیا کی کوئی طاقت نہیں روک سکتی، میں نے سیاست میں آکر ملک کے نوجوانوں اور خواتین کو جگایا ہے۔ تبدیلی پہلے ذہن میں پھر زمین پر آتی ہے، میں نے ملک وقوم کو شعور دیا ہے اور آج وسیم اکرم، شاہد آفریدی اور شہزاد رائے بھی فلاحی کام کر رہے ہیں اور شاہد آفریدی نے بھی اسپتال بنایا ہے جس پر مجھے خوشی ہوتی ہے۔ عمران خان نے کہا کہ ہر نئے پاکستان کیلیے قوم تحریک انصاف کیساتھ ہے، اس لیے دنیا کی کوئی طاقت نئے پاکستان کے خواب کو نہیں روک سکتی۔