گوجرانوالہ میں سنگ دل باپ نے اپنے 2 بچوں کو چلتی گاڑی کے آگے دھکیل دیا

بچوں نے عید پر نئے کپڑے مانگے تو شوہر طیش میں آگیا اور دونوں بچوں کو چلتی گاڑی کے آگے پھینک دیا، والدہ کا بیان

ویب ڈیسک July 13, 2015

بچوں نے عید پر نئے کپڑے مانگے تو شوہر طیش میں آگیا اور دونوں بچوں کو چلتی گاڑی کے آگے پھینک دیا، والدہ کا بیان. فوٹو:فائل

سنگ دل باپ نے عید کے موقع پر کپڑوں کا مطالبہ کرنے پر اپنے 2 بچوں کو چلتی گاڑی کے آگے دھکیل دیا۔

ایکسپریس نیوز کے مطابق گوجرانوالہ کے علاقے پیراحمد شاہ میں سنگ دل باپ نے اس وقت اپنے دو بچوں کو چلتی گاڑی کے آگے دھکیل دیا جب انہوں نے اپنے باپ سے عید کے موقع پر نئے کپڑے دلانے کی ضد کی۔ چلتی گاڑی کے سامنے باپ کی جانب سے دھکیلے گئے بچوں میں 7 سالہ آصف اور 8 سالہ کبریٰ ہے جنہیں شدید زخمی حالت میں ڈی ایچ کیو اسپتال منتقل کردیا گیا ہے۔

متاثرہ بچوں کی والدہ نسیم بی بی کا کہنا ہے کہ بچوں نے جب اپنے باپ سے نئے کپڑے مانگے تو ان کا شوہر طیش میں آگیا اور بچوں کو چلتی گاڑی کے آگے دھکیل دیا جس کے باعث دونوں شدید زخمی ہوگئے۔