حیدرآبادنامعلوم افرادکی فائرنگمزدور جاں بحق

مال گودام ریلوے ٹریک کے قریب2 افراد نے42سالہ عالم جان مہمند پرگولیاں برسادیں، فائل فوٹو

---

ریلوے تھانے کی حدود مال گودام ریلوے ٹریک کے قریب2نامعلوم افراد نے فائرنگ کرکے ایک شخص کو قتل کردیا اور فرار ہوگئے،تفصیلات کے مطابق مال گودام ریلوے ٹریک کے قریب2نامعلوم افراد نے42سالہ عالم جان مہمند ولد باز خان کوگولیاں مار کر شدید زخمی کردیا،زخمی کو سول اسپتال منتقل کیاگیا جہاں وہ زخموںکی تاب نہ لاتے ہوئے جاں بحق ہوگیا۔

پولیس کے مطابق مقتول کانچ مل کے قریب رہتا تھا اور سبزی منڈی میں مزدوری کرکے اپنے اہلخانہ کا پیٹ پال رہا تھا، مقتول نے اپنی بیوی کو طلاق دے دی تھی،قتل کی وجہ پرانی دشمنی بتائی جاتی ہے۔پولیس نے قانونی کاروائی کے بعد لاش ورثاکے حوالے کردی،ورثاکاکہنا ہے کہ تدفین کے بعدکیس داخل کرائینگے۔