پاکستان نے انڈونیشیا کے خلاف ڈیوس کپ ٹائی جیت لیا

پاکستان نے سنگلز ریورس میں انڈونیشین پلئیرسو سانتو کو شکست دے کراوشیانا گروپ ٹو کے لئے بھی کوالیفائی کرلیا۔ فوٹو:اے ایف پی/فائل

---

ISLAMABAD: پاکستان نے انڈونیشیا کو شکست دے کر ڈیوس کپ ٹائی جیت لیا جس کے بعد پاکستان نے اوشیانا گروپ ٹو کے لئے بھی کوالیفائی کرلیا۔

جکارتہ ٹینس سینٹر کے ہارڈ کورٹس پرڈیوس کپ ایشیا اوشیانا گروپ 2 ٹائی کے تیسرے دن سنگلز مقابلے میں پاکستان کے نمبرون محمد اکبر کا مقابلہ انڈونیشیا کے ڈیوڈ ایکنگ سوسانتو سے ہوا۔ سنگلز میں پاکستانی نمبرون علی اکبرشروع سے ہی مخالف پلئیرپرحاوی رہے اور پہلے سیٹ میں 2-6 سے واضح برتری حاصل کرکے مخالف پلئیر کے اوسان خطا کردیئے جس کے بعد تمام سیٹس میں محمد اکبرہی کامیاب رہے۔ پاکستان پلئیرکی جیت کا اسکور 2-6، 0-6، 6-7 اور0-6 رہا جس کے بعد پاکستان نے اوشیانا گروپ ٹو کے لئے 1-3 سے بھی کوالیفائی کرلیا۔

واضح رہے کہ گزشتہ روزانڈونیشیا نے شاندار کھیل پیش کرتے ہوئے ڈبلز مقابلہ اپنے نام کرلیا تھا جس میں میزبان پلیئرزکرسٹوفررنگٹ اور سونو واہیو تریجاتی نے ملکی نمبر ون عقیل خان اورمحمد اکبر کو دلچسپ مقابلے کے بعد پہلا سیٹ 6-4 سے اور دوسرے میں میزبان جوڑی نے7-5 سے فتح حاصل کی تھی۔