کیوبا اورامریکا کے درمیان 54 برس بعد باقاعدہ طورپرسفارتی تعلقات بحال

امریکی صدر باراک اوباما اور کیوبا کے رہنما راؤل کاسترو نے دونوں ملکوں کے مابین مفاہمتی پالیسی کا اعلان گزشتہ برس سترہ دسمبر کو کیا تھا۔ فوٹو: فائل

---

امریکا اور کیوبا نے 54 برس کی سرد جنگ اور دشمنی کے بعد ایک دوسرے کے دارالحکومتوں میں سفارتخانے کھول دیے ہیں جب کہ واشنگٹن میں کیوبا نے باقاعدہ طور پر سفارتخانے پر اپنا پرچم لہرا دیا۔

غیرملکی خبررساں ادارے کے مطابق امریکی صدرباراک اوباما اور کیوبا کے رہنما راؤل کاسترو کے درمیان طے پانے والی مفاہمتی پالیسی کے تحت امریکی دارالحکومت واشنگٹن ڈی سی میں وائٹ ہاؤس کے قریب واقع کیوبا کے سفارتخانے کی عمارت پراس کا قومی پرچم لہرادیا گیا ہے۔ پرچم لہرانے کی تقریب میں کیوبا کے وزیرخارجہ نے شرکت سمیت دیگر حکام نے شرکت نے جب کہ اس موقع پر فوج کے خصوصی دستوں نے پرچم کو سلامی پیش کی۔ اسی طرح کیوبا کے دارالحکومت ہوانا میں بھی امریکی سفارت خانہ کام شروع کردے گا۔

واضح رہے کہ گزشتہ برس امریکی صدرباراک اوباما اور کیوبا کے رہنما راؤل کاسترو نے اتفاق کیا تھا کہ دونوں ملکوں کے درمیان 5 دہائیوں سے تلخی کے شکار تعلقات کو معمول کی سطح پرلایا جائے گا۔ جس کے بعد دونوں ملکوں کے سفارتکاروں میں متعدد ملاقاتیں ہوئیں جس کے نتیجے میں آج امریکا اور کیوبا مین سفارتی تعلقات بحال ہوگئے۔