فلم ’’بجرنگی بھائی جان‘‘ کا 3 دن میں 100کروڑ سے زائد کا بزنس

فلم’’بجرنگی بھائی جان‘‘دبنگ خان کے فلمی کیرئیر کی 8 ویں فلم ہے جس نے 100 کروڑ سے زائد کا بزنس کیا ہے، فوٹو؛فائل

---

بالی ووڈ کے سپر اسٹار سلمان خان کی فلم''بجرنگی بھائی جان'' نے اپنی ریلیز کے 3 دن میں ہی 100 کروڑ سے زائد کمالیے ہیں۔

بھارتی میڈیا کے مطابق سلمان خان کی نئی فلم ''بجرنگی بھائی جان'' نے ریلیز ہوتے ہی کامیابی کا سفر شروع کردیا ہے،شائقین نے فلم میں سلمان خان کی اداکاری کو نہ صرف سراہا بلکہ انہیں سنیما گھروں کا رخ کرنے پر مجبور کردیا جب کہ سنیما گھروں میں فلم کی ہاؤس فل نمائش جاری ہے۔

فلم''بجرنگی بھائی جان'' نے ریلیز ہوتے ہی باکس آفس پر دھوم مچاتے ہوئے اپنی ریلیز کے 3 دنوں میں ہی 100 کروڑ سے زائد کماکر تیز ترین کمانے والی فلموں میں شامل ہوگئی ہے۔

دبنگ خان کی فلم نے ریلیز کے پہلے روز صرف بھارت میں 27 کروڑ 25 لاکھ روپے دوسرے دن 36 کروڑ 60 لاکھ جب کہ تیسرے روز 38 کروڑ75 لاکھ سے زائد کا بزنس کرکے 3 دن میں تیز ترین 100 کروڑکمانے والی فلم بن گئی۔

#BajrangiBhaijaan won hearts, acclaim... now emerges TRIUMPHANT at the BO. Fri 27.25 cr, Sat 36.60 cr, Sun 38.75 cr. Total: ₹ 102.60 cr.

— taran adarsh (@taran_adarsh) July 20, 2015

دوسری جانب فلم''بجرنگی بھائی جان''دبنگ خان کے فلمی کیرئیر کی 8 ویں فلم ہے جس نے 100 کروڑ سے زائد کا بزنس کیا ہے۔