کراچی کے علاقے کورنگی میں کار پر فائرنگ سے 2 افراد جاں بحق

جاں بحق افراد کی شناخت علی اور شاہد کے ناموں سے ہوئی ہے، ایس ایس پی کورنگی فوٹو: فائل

---

ROME: کورنگی کے علاقے ڈیڑھ نمبر کے قریب کار پر فائرنگ سے 2 افراد جاں بحق ہوگئے۔

ایکسپریس نیوز کے مطابق کراچی کے علاقے کورنگی ڈیڑھ نمبر کے قریب نامعلوم مسلح افراد نے کار پر فائرنگ کردی جس کے نتیجے میں 2 افراد زخمی ہوگئے۔ زخمیوں کو طبی امداد کے لیے اسپتال منتقل کیا گیا جہاں وہ زخموں کی تاب نہ لاتے ہوئے چل بسے۔

دوسری جانب ایس ایس پی کورنگی جنید شیخ کا کہنا ہے کہ کورنگی میں دونوں مقتولین کو گاڑی سے اتار کرفائرنگ کا نشانہ بنایا گیا جب کہ جاں بحق افراد کی شناخت علی اور شاہد کے ناموں سے ہوئی ہے، مقتول شاہد کچھ روز قبل ہی لاہور سے کراچی آیا تھا۔