سندھ کابینہ میں ردوبدل شرجیل میمن نثار کھوڑو اور بجارانی کی وزارتیں تبدیل

سندھ کابینہ کے وزراء کے قلمدانوں کی تبدیلی کا فیصلہ پیپلز پارٹی کی اعلیٰ قیادت نے کیا ہے۔ فوٹو: فائل

---

وزیر اعلیٰ سندھ سید قائم علی شاہ نے اپنی كابینہ كے اہم ترین وزراءكے قلمدان تبدیل كردیے ہیں جس کا نوٹیفکیشن بھی جاری کردیا گیا ہے۔





محكمہ سروسز اینڈ جنرل ایڈمنسٹریشن كی كیبنٹ ڈویزن كی جانب سے جاری كردہ نوٹیفكیشن كے مطابق سندھ كے سینئر وزیر نثار احمد كھوڑو سے تعلیم كا قلمدان واپس لے كر انہیں محكمہ اطلاعات اور آبپاشی كے قلمدان دیئے گئے ہیں۔ صوبائی وزیر شرجیل میمن سے محكمہ اطلاعات كا قلمدان لے کر انہیں محكمہ وركس اینڈ سروسز كا قلمدان تفویض كیا گیا ہے،ان كے پاس محكمہ بلدیات اور محكمہ آركائیوز كے قلمدان بدستور موجود رہیں گے۔





سندھ كابینہ كے ایك اور اہم ركن میر ہزار خان بجارانی سے محكمہ وركس اینڈ سروسز كا قلمدان لے كر انہیں محكمہ تعلیم كا قلمدان دیا گیا ہے جب كہ صوبائی وزیر مكیش كمار چاولہ كو پبلک انجینئرنگ اور دیہی ترقی كے محكموں كے قلمدان بھی دیئے گئے ہیں، ان كے پاس انفارمیشن ٹیكنالوجی كا قلمدان پہلے ہی ہے، صوبائی وزیر پارلیمانی امور ڈاكٹر سكند میندھرو كو محكمہ امداد باہمی كا قلمدان دیا گیا ہے، پہلے سے موجود ساحلی ترقی اورماحولیات كے قلمدان ان ہی كے پاس رہیں گے۔



ذرائع كے مطابق پیپلز پارٹی كی قیادت كے دبئی میں منعقدہ اجلاس میں یہ بھی فیصلہ كیا گیا تھا كہ كابینہ میں كچھہ نئے لوگوں كو بھی شامل كیا جائے۔ امكان ہے كہ سكھر سے تعلق ركھنے والے پیپلز پارٹی كے ركن سندھ اسمبلی ناصر شاہ كو سندھ كابینہ كا حصہ بنایا جائے گا اور صوبائی وزیر كا حلف اٹھانے كے بعد انہیں محكمہ بلدیات كو قلمدان دیا جائے گا۔

واضح رہے گزشتہ روز پیپلزپارٹی کے چیرمین بلاول بھٹو زرداری اور شریک چیرمین آصف علی زرداری کی زیر صدارت دبئی میں پارٹی کی اعلیٰ قیادت کا اجلاس ہوا تھا جس میں سندھ کابینہ کے وزراء اور اعلیٰ سرکاری حکام کو مرحلہ وار تبدیل کرنے کا فیصلہ کیا گیا تھا جب کہ بلاول بھٹو زرداری نے صوبائی وزراء کی کارکردگی پر خود نظر رکھنے کا فیصلہ بھی کیا۔





دوسری جانب حكومت سندھ نے بدھ كو مزید سركاری افسران كے تبادلے اور تقرریاں كی ہیں۔ محكمہ سروسز اینڈ جنرل ایڈمنسٹریشن كی جانب سے جاری كردہ ایك نوٹیفكیشن كے مطابق ایڈیشنل چیف سیكریٹری پلاننگ اینڈ ڈیولپمنٹ محمد وسیم كا تبادلہ كركے انہیں ایڈمنسٹریٹر بلدیہ عظمیٰ كراچی تعینات كیا گیا ہے جب كہ ان كے پاس ایڈیشنل چیف سیكریٹری پلاننگ اینڈ ڈولپمنٹ كے عہدے كا اضافی چارج بھی ہوگا۔



سینئرممبر بورڈ آف ریونیو سید ممتاز علی شاہ كو چیئرمین اینٹی كرپشن اینڈ اسٹیبلشمنٹ تعینات كردیا گیا ہے ،سینئر ممبر بورڈ آف ریونیو عہدے كا اضافی چارج بھی ان كے پاس رہے گا۔ سینئر افسر اعجاز میمن كو سیكریٹری وركس اینڈ سروسز تعینات كیا گیا ہے اور عبدالرشید سولنگی كو اسپیشل سیكریٹری محكمہ پبلك ہیلتھ اینڈ انجینئرنگ تعینات كیا گیا ہے۔ عمر فاروق بلوكو ڈپٹی سیكریٹری ایس اینڈ جی اے ڈی ،ماجد محسن پہنور كوڈپٹی كمشنر جامشوراووروسیم شمشاد كوڈپٹی كمشنر نوشہرروفیروز تعینات كیا گیا ہے۔