وزیراعظم کا وزیراعلیٰ سندھ کو ٹیلی فون سیلابی صورتحال پر تعاون کی یقین دہانی

وزیراعظم نے قائم علی شاہ سے سندھ میں سیلاب کی صورتحال اور ریلیف کے کاموں پر معلومات حاصل کیں۔ فوٹو:فائل

---

وزیراعظم نوازشریف نے وزیراعلیٰ سندھ سید قائم علی شاہ کو ٹیلی فون کیا اور سندھ میں سیلاب کی صورتحال اور ریلیف کے کاموں پر معلومات حاصل کیں۔

ایکسپریس نیوز کے مطابق وزیراعظم نوازشریف نے وزیراعلیٰ سندھ سید قائم علی شاہ کو ٹیلی فون کیا اور سندھ میں سیلاب کی صورتحال اور ریلیف کے کاموں پر معلومات حاصل کیں جب کہ انہوں نے وفاقی حکومت کی جانب سے سندھ میں سیلاب کی تباہ کاریوں سے بچانے اور ریلیف میں سندھ حکومت کو ہر ممکن تعاون کی یقین دہانی کروائی۔

دوسری جانب وزیراعلیٰ سندھ نے کراچی کے مختلف علاقوں کا دورہ کیا اور بارشوں سے نمٹنے کے لیے اقدامات کا جائزہ لیا، اس موقع پر میڈیا سے بات کرتے ہوئے ان کا کہنا تھا کہ انتطامیہ فعال ہے اور کمشنر کے اقدامات سے مطمئن ہیں۔ وزیراعلیٰ نے متعلقہ حکام کو نالوں کی صفائی یقینی بنانے کی بھی ہدایت کی۔