لاہور ہائیکورٹ اعلیٰ عدلیہ کیخلاف پروگرام نشر کرنے پر پابندی

ارکان اسمبلی میڈیا پر عدلیہ کیخلاف بیانات دے رہے ہیں، کارروائی کا حکم دیا جائے، درخواست گزار ۔ فوٹو: فائل

---

لاہور ہائیکورٹ نے میڈیا پر عدلیہ کیخلاف پروگرام نشر کرنے پر تاحکم ثانی پابندی عائد کرتے ہوئے پیمرا کو نوٹس جاری کردیے۔

جسٹس ناصر سعید شیخ نے درخواست کی ابتدائی سماعت کی جبکہ معاونت کے لیے اٹارنی جنرل اور ایڈووکیٹ جنرل پنجاب کو بھی طلب کرلیا۔ درخواست گزار اظہر صدیق نے مؤقف اختیار کیا تھا کہ متعدد پار لیمینٹیرینز میڈیا پر اعلی عدلیہ کے خلاف بیان بازی کرتے ہیں جو آئین پاکستان کی صریحاً خلاف ورزی ہے۔

عدلیہ کو اس طرح اسکینڈلائز کرنے پر رکن پارلیمنٹ کو نااہل بھی قرار دیا جاسکتا ہے مگر چیئرمین سینیٹ اور اسپیکر قومی اسمبلی نے ایسے ارکان کے خلاف کبھی کارروائی نہیں کی، عدلیہ کی تضحیک کرنے والے اراکین پارلیمنٹ کے خلاف کارروائی کا بھی حکم دیا جائے۔