کنگ خان اور رنویر سنگھ پہلی بار ایک ساتھ فلم میں جلوہ گر ہوں گے

ISLAMABAD:
بالی ووڈ کے کنگ شاہ رخ خان اور اداکارہ رنویر سنگھ پہلی بارایک ساتھ فلم میں جلوہ گر ہوں گے۔


بھارتی میڈیا کے مطابق انڈین فلم انڈسٹری کے کنگ شاہ رخ خان اوربالی ووڈ کے شوخ وچنچل اداکار رنویر سنگھ مختلف ٹی وی شوز میں ایک ساتھ کام کرچکے ہیں تاہم اب تک دونوں اداکاروں نے ایک ساتھ کسی بھی فلم میں اداکاری کے جوہر نہیں دکھائے ہیں۔

میڈیا رپورٹس کے مطابق اداکار شاہ رخ خان اور رنویر سنگھ یش راج فلمز کے بینر تلے بننے والی فلم میں پہلی بار ایک ساتھ اداکاری کرتے نظر آئیں گے جب کہ دونوں اداکاروں نے فلموں میں کام کرنے کے معاہدے پردستخط بھی کردیئے ہیں۔