پاکستانی فیلڈنگ میں بہتری دیکھ کر ظہیرعباس دنگ رہ گئے
نوجوان پلیئرزنے ٹیم میں نئی جان ڈال دی ہے اور اب میدان میں توانائی نظر آتی ہے،سابق قائد
نوجوان پلیئرزنے ٹیم میں نئی جان ڈال دی ہے اور اب میدان میں توانائی نظر آتی ہے،سابق قائد۔ فوٹو: فائل
ROME:
ظہیر عباس پاکستانی فیلڈنگ میں بہتری دیکھ کر دنگ رہ گئے، انھوں نے اسے کرشماتی تبدیلی قرار دیدیا، آئی سی سی کی صدارت سنبھالنے والے سابق کرکٹر کا کہنا ہے کہ نوجوان کھلاڑیوں نے ٹیم میں نئی جان ڈال دی، سلیکشن میں تسلسل نے بھی گرین شرٹس کے اعتماد میں اضافہ کیا۔
ظہیرعباس نے آئی سی سی کی صدارت سنبھالی تو سب سے پہلے سری لنکن کرکٹ بورڈ نے دورے کی دعوت دی، سابق ٹیسٹ کرکٹر نے اسے اپنے لیے اعزاز قرار دیتے ہوئے کہاکہ دونوں ممالک میں کھیل کے علاوہ بھی قریبی روابط ہیں،انھوں نے کہا کہ اگرچہ کونسل کا عہدہ علامتی ہے لیکن بطور سابق کرکٹر کھیل کی بہتری کیلیے اپنی بات متعلقہ لوگوں تک تو پہنچا سکتا ہوں،پاکستان میں انٹرنیشنل کرکٹ کی بحالی کیلیے کوشش جاری رکھوں گا، سری لنکن ٹیم کی آمد میرے اور عوام لئے بڑی خوشی کی بات ہوگی۔
انھوں نے آئی لینڈز کے دورے کو خوشگوار تجربہ قرار دیتے ہوئے کہا کہ گرین شرٹس کی اچھی کارکردگی نے دل جیت لیے، خاص طور پر فیلڈنگ میں تبدیلی کرشماتی قرار دی جاسکتی ہے، نوجوان کھلاڑیوں نے ٹیم میں نئی جان ڈال دی، میدان میں ایک توانائی نظر آتی ہے،کولمبو میں فیلڈرز نے ایسی حیران کن کارکردگی دکھائی جو پاکستان کرکٹ میں پہلے کبھی نہیں نظر آئی،ایسا محسوس ہوتا ہے کہ گرین شرٹس فیلڈنگ کے لحاظ سے بہترین ٹیموں کی صف میں شامل ہوگئے ہیں۔
انھوں نے کہا کہ پہلے کھلاڑی اسکواڈ کے اندر باہر ہوتے رہے جس کی وجہ سے پرفارمنس میں تسلسل نظر نہیں آتا تھا،اب مسلسل بہتری آرہی ہے، دوسری جانب سری لنکا کا معاملہ برعکس ہے،انھوں نے کہا کہ یونس خان کی پرفارمنس میں دن بہ دن بہتری آتی جارہی ہے، 37سال کی عمر میں بھی ان کا عزم اور حوصلہ نوجوانوں کو شرمندہ کردیتا ہے۔
ظہیر عباس پاکستانی فیلڈنگ میں بہتری دیکھ کر دنگ رہ گئے، انھوں نے اسے کرشماتی تبدیلی قرار دیدیا، آئی سی سی کی صدارت سنبھالنے والے سابق کرکٹر کا کہنا ہے کہ نوجوان کھلاڑیوں نے ٹیم میں نئی جان ڈال دی، سلیکشن میں تسلسل نے بھی گرین شرٹس کے اعتماد میں اضافہ کیا۔
ظہیرعباس نے آئی سی سی کی صدارت سنبھالی تو سب سے پہلے سری لنکن کرکٹ بورڈ نے دورے کی دعوت دی، سابق ٹیسٹ کرکٹر نے اسے اپنے لیے اعزاز قرار دیتے ہوئے کہاکہ دونوں ممالک میں کھیل کے علاوہ بھی قریبی روابط ہیں،انھوں نے کہا کہ اگرچہ کونسل کا عہدہ علامتی ہے لیکن بطور سابق کرکٹر کھیل کی بہتری کیلیے اپنی بات متعلقہ لوگوں تک تو پہنچا سکتا ہوں،پاکستان میں انٹرنیشنل کرکٹ کی بحالی کیلیے کوشش جاری رکھوں گا، سری لنکن ٹیم کی آمد میرے اور عوام لئے بڑی خوشی کی بات ہوگی۔
انھوں نے آئی لینڈز کے دورے کو خوشگوار تجربہ قرار دیتے ہوئے کہا کہ گرین شرٹس کی اچھی کارکردگی نے دل جیت لیے، خاص طور پر فیلڈنگ میں تبدیلی کرشماتی قرار دی جاسکتی ہے، نوجوان کھلاڑیوں نے ٹیم میں نئی جان ڈال دی، میدان میں ایک توانائی نظر آتی ہے،کولمبو میں فیلڈرز نے ایسی حیران کن کارکردگی دکھائی جو پاکستان کرکٹ میں پہلے کبھی نہیں نظر آئی،ایسا محسوس ہوتا ہے کہ گرین شرٹس فیلڈنگ کے لحاظ سے بہترین ٹیموں کی صف میں شامل ہوگئے ہیں۔
انھوں نے کہا کہ پہلے کھلاڑی اسکواڈ کے اندر باہر ہوتے رہے جس کی وجہ سے پرفارمنس میں تسلسل نظر نہیں آتا تھا،اب مسلسل بہتری آرہی ہے، دوسری جانب سری لنکا کا معاملہ برعکس ہے،انھوں نے کہا کہ یونس خان کی پرفارمنس میں دن بہ دن بہتری آتی جارہی ہے، 37سال کی عمر میں بھی ان کا عزم اور حوصلہ نوجوانوں کو شرمندہ کردیتا ہے۔