پاکستان پہلی بار ووٹ کی رجسٹریشن کا دن منانے کا اعلان

پاکستان کی موجودہ آبادی 18 کروڑ سے تجاوز کر چکی ہے جبکہ اس میں رجسٹرڈ ووٹوں کی کل تعداد 8 کروڑ 43 لاکھ 65 ہزار 51 ہے۔. فوٹو: فائل

---

KARACHI: پاکستان میں پہلی بارالیکشن کمیشن نےآج ووٹ کی رجسٹریشن کا دن منانے کا اعلان کیا ہے۔

ایکسپریس نیوز کے نمائندے نعیم قیصر کے مطابق پاکستان کی موجودہ آبادی 18 کروڑ سے تجاوز کر چکی ہے جبکہ اس میں رجسٹرڈ ووٹوں کی کل تعداد 8 کروڑ 43 لاکھ 65 ہزار 51 ہے۔

جن میں سے 32 لاکھ 78 ہزار 1 سو 64 بلوچستان ،16 لاکھ 75 ہزار 9 سو 67 فا ٹا ،6 لاکھ 4 ہزار 8 سو 2 فیڈرل ایریا ،1 کروڑ 20لاکھ 64 ہزار 5 سو 97 خیبر پختونخواہ ،4 کروڑ 83 لاکھ 8 ہزار 6 سو 44 پنجاب،1 کروڑ 84 لاکھ 32 ہزار 8 سو 77 صوبہ سندھ میں رجسٹرڈ ہیں۔

پاکستان میں بڑی تعداد ایسے افراد کی بھی موجود ہیں جو ووٹ کے اندراج کی عمر کو پہنچ چکے ہیں مگر ان کے ووٹ کا اندراج نہیں کیا گیا، پنجاب کے الیکشن کمشنر محبوب انور کاکہنا ہے کہ 17 اکتوبر کو ووٹ رجسٹرڈ کرانے کا دن ایسے افراد کو ترغیب دینے کے لئے منایا جارہا ہے۔