روزگارکے لیے43سال میں78لاکھ پاکستانی بیرون ملک گئےرپورٹ

روزگار کے لیے تقریباً49 فیصد مشرق وسطی اور 28.2 فیصد یورپی ممالک جبکہ16 فیصد امریکا گئے، رپورٹ۔ فوٹو: فائل

---

پاکستان سے روزگار کے لیے گزشتہ43 سال کے دوران تقریباً 78 لاکھ افراد بیرون ملک گئے۔

بیورو آف امیگریشن کی رپورٹ کے مطابق 1971 تا 2014کے دوران روزگار کے لیے بیرون ملک جانے والوں کی زیادہ تر تعداد مشرق وسطیٰ گئی۔

رپورٹ کے مطابق روزگار کے لیے تقریباً49 فیصد مشرق وسطی اور 28.2 فیصد یورپی ممالک جبکہ16 فیصد امریکا گئے۔ پاکستان کا شمار افرادی قوت برآمد کرنے والے بڑے ممالک میں ہوتا ہے اور یہاں پر 2 ہزار سے زائد لائسنس یافتہ اوورسیز ایمپلائمنٹ پروموٹرز کام کر رہے ہیں تاکہ افرادی قوت درآمد کرنے والے ممالک کی ضروریات کو پورا کیا جا سکے۔