گورنر پنجاب سردار لطیف کھوسہ نے کہا ہے کہ ملالہ کے حق میں پارلیمنٹ میں قرارداد کی مخالفت نہیں ہونی چاہئے تھی اور اس معاملے پر قوم کو متحد کرنے کی ضرورت تھی۔
گورنر ہاؤس میں میڈیا ورکرز کی تقریب سے خطاب کرتے ہوئے سردارلطیف کھوسہ نے کہا کہ پیپلز پارٹی کی حکومت نے میڈیا کو آزادی دی لیکن عدلیہ نے میڈیا پر پابندی لگا دی۔ انہوں نے کہا کہ عدالتی فیصلے عوام کی ملکیت ہوتے ہیں اور اس ملک میں اب کوئی مقدس گائے نہیں۔
واضح رہے کہ قومی اسمبلی میں ملالہ یوسف زئی کے حق میں حکومت کی جانب سے پیش کی جانے والی قرارداد کی مسلم لیگ (ن) نے مخالفت کی تھی جس کے باعث یہ قرارداد قومی اسمبلی میں پیش نہیں کی جاسکی تھی۔