KARACHI: ویسٹ انڈین آل راؤنڈر ڈیوائن براوو نے لاس اینجلس کی ایک انٹرٹینمنٹ کمپنی 'وینس' کے ساتھ میوزک ڈیل سائن کر لی، وہ پہلے شوقیہ طور پر موسیقی سے منسلک تھے۔

مگر ان کے اینگلو انڈین گانے'چلو چلو' کی کامیابی کے بعد یہ معاہدہ آفر کیا گیا۔ براوو نے کہا کہ اس ڈیل سے مجھے اپنے نام کو بڑے پیمانے پر مشہور کرنے کا موقع میسر آئے گا، میں اس حوالے سے کافی پُرجوش ہوں، کمپنی نے میرا انتخاب کر کے درست فیصلہ کیا کیونکہ ایشیا اور برطانیہ دونوں مقامات پر میرے پرستاروں کی بڑی تعداد موجود ہے۔