مردان میں مسافر بس نہرمیں گرنے سے 6 افراد جاں بحق متعدد زخمی

حادثے میں متعدد افراد زخمی ہوگئے ہیں جنہیں مقامی اسپتال منتقل کردیا گیا ہے: فوٹو: ایکسپریس نیوز

---

لاہور: کاٹلنگ میں مسافر بس نہر میں گرنے سے 6 افراد جاں بحق جب کہ متعدد زخمی ہوگئے۔

ایکسپریس نیوزکے مطابق مسافر بس نواحی قصبے پلے سے مردان آرہی تھی کہ کاٹلنگ میں واقع پل پر بے قابو ہوکر نہر میں جاگری، واقعے کی اطلاع ملتے ہی مقامی افراد نے اپنی مدد آپ کے تحت امدادی کارروائیاں شروع کردیں جنہوں نے 6 افراد کی لاشیں اور متعدد زخمیوں کو نکال کر قریبی اسپتال پہنچا دیا ہے تاہم اب بھی کئی مسافر لاپتہ ہیں جن کی تلاش کا کام جاری ہے۔

پولیس کا کہنا ہے کہ عینی شاہدین کے مطابق حادثہ پل پر موجود بارش کے باعث ہونے والی پھسلن کی وجہ سے پیش آیا ہے تاہم واقعے کی تحقیقات شروع کردی گئی ہیں.