پاکستان کے بعد یو اے ای میں بھی ’’بنگستان‘‘ پر پابندی

فلم ’’بنگستان‘‘ میں اداکار ریتیش دیش مکھ کے ساتھ پلکت سمراٹ اور جیکولین فرنینڈز نے اہم کردار نبھائے ہیں۔ فوٹو : فائل

---

ATTOCK: پاکستانی سنسر بورڈ کی جانب سے بالی ووڈ فلم ''بنگستان'' پر پابندی کے بعد اب متحدہ عرب امارات نے بھی فلم کی نمائش پر پابندی عائد کر دی۔

بھارتی میڈیا کے مطابق متحدہ عرب امارات کے سنسر بورڈ کو اس فلم کا موضوع جارحانہ لگا ہے جس کے بعد اں نے فلم پر پابندی لگائی۔فلم کے پروڈیوسر ریتیش سدھوانی کا کہنا ہے کہ وہ متحدہ عرب امارات میں فلم کی نمائش پر پابندی لگنے سے کافی حیران اور مایوس ہیں۔

ان کا کہنا ہے کہ فلم کا موضوع مزاحیہ ہے اور اس میں ایسا کچھ نہیں جسے جارحانہ کہا جائے۔کرن انشومن کی ہدایت میں بننے والی فلم ''بنگستان'' میں اداکار ریتیش دیش مکھ کے ساتھ پلکت سمراٹ اور جیکولین فرنینڈز نے اہم کردار نبھائے ہیں۔