معروف ٹی وی اینکرمعید پیرزادہ کو دبئی میں گرفتارکرلیا گیا دفترخارجہ

معید پیرزادہ 4 اگست سے دبئی پولیس کی حراست میں ہیں اور ان کے ساتھ ان کی قریبی عزیزہ بھی زیرحراست ہیں، دفترخارجہ فوٹو:فائل

---

پاکستان کے معروف ٹی وی اینکر معید پیرزادہ کو ان کی قریبی عزیزہ کے ہمراہ دبئی میں گرفتار کرلیا گیا۔

ایکسپریس نیوز کے مطابق دفترخارجہ نے بھی معید پیرزادہ کی دبئی میں گرفتاری کی تصدیق کردی جب کہ ذرائع دفترخارجہ کا کہنا ہے کہ معید پیرزادہ کو مبینہ جعل سازی کے الزام میں گرفتار کیا گیا اور وہ 4 اگست سے دبئی پولیس کی حراست میں ہیں اور ان کے ساتھ ان کی قریبی عزیزہ بھی زیرحراست ہیں۔ دفترخارجہ کا کہنا ہے کہ معید پیرزادہ کو مسلسل قونصلرکی رسائی دی جارہی ہے اور معاملے پر خصوصی توجہ دی جارہی ہے۔