قصور میں سیکڑوں بچوں سے بدفعلی میں ملوث گینگ کے 7 کارندے پکڑے گئے

ملکی تاریخ میں بچوں سے زیادتی کا سب سے بڑا اسکینڈل منظرعام پر آگیا اور پولیس نے قصور سے سیکڑوں بچوں سے بد فعلی میں ملوث گینگ کو گرفتار کرلیا۔

ایکسپریس نیوز کے مطابق قصور کے علاقے گنڈا سنگھ والا میں گزشتہ 10 سال سے ایک گینگ بچوں سے بدفعلیوں میں سرگرم تھا، گروہ میں 25 سے زائد افراد شامل ہیں اور وہ بچوں سے بدفعلی کے بعد ان کی ویڈیو بنا کر گھر والوں کو نہ صرف بلیک میل کرتے تھے بکہ دھونس دھمکیوں کے ذریعے رقم بھی وصول کرتے تھے۔


ڈی پی او قصور رائے بابر سعید کے مطابق پولیس نے 10 سال سے سرگرم اس گینگ کے خلاف کارروائی کرکے اس کے 7 کارندوں کو گرفتار کرلیا جن کے قبضے سے 280 بچوں سے بد فعلی کی 400 ویڈیوز برآمد ہوئی ہیں۔ پولیس کا کہنا ہےکہ تمام ملزمان ایک ہی گاؤں کے رہائشی ہیں۔

https://www.dailymotion.com/video/x30vrjr_country-s-biggest-scandal_news