فلم میں ماں کے کردار کے لیے سلمان خان نےآمادہ کیا جیکولین فرنینڈس

فلم ’’برادر‘‘ میں اداکار اکشے کمار، سدھارت ملہوترا اور جیکولین فرنینڈس نے اداکاری کے جوہر دکھائے ہیں، فوٹو : فائل

---

لاہور: بالی ووڈ اداکارہ اور سری لنکن حسینہ جیکولین فرنینڈس کا کہنا ہےکہ انہیں فلم ''برادر'' میں ماں کا کردار ادا کرنے کے لیے سلمان خان نے آمادہ کیا۔

بھارتی میڈیا کے مطابق بالی ووڈ میں نوجوان اداکارائیں کیرئیر کے آغاز میں ہی ماں کا کردار کرنے سے کتراتی ہیں جب کہ ماں کے کردار کو فنی کیرئیر کے لیے نقصان دہ سمجھا جاتا ہے تاہم سری لنکن حسینہ جیکولین فرنینڈس نے اپنی نئی آنے والی فلم ''برادر'' کے ٹریلیز میں ایک بچی کی ماں کا کرداد ادا کیا ہے جس پر فلمی حلقوں میں حیرانی کا اظہار کیا گیا۔

اپنے انٹرویو میں اداکارہ جیکولین فرنینڈس کا کہنا تھا کہ فلمساز کرن جوہر اور کرن ملہوترا نے انہیں فلم ''برادر'' میں ایک بچی کی ماں جینی فرنینڈس کے کردارکی پیشکش کی جس کے لیے وہ بالکل تیار نہیں تھیں تاہم یہ ایک گھمبیر اور مشکل کردار تھا جس کے لیے سلمان خان سے مشورہ کیا۔ انہوں نے کہا کہ سلمان کا کہنا تھا کہ انہیں فلم میں یہ کردار اداکرنا چاہئے کیوں کہ اس کردار کے ذریعے انہیں اپنی صلاحیتوں کے اعتراف کا بھرپور موقع مل گا جس کے بعد انہوں نے اس کردار کے لیے حامی بھری۔

واضح رہے کہ فلم ''برادر'' میں اداکار اکشے کمار، سدھارت ملہوترا اور جیکولین فرنینڈس نے اداکاری کے جوہر دکھائے ہیں جب کہ فلم 14 اگست کو ریلیز کی جائے گی۔