آج کراچی میں ہڑتال نہیں ہوگی شہری کاروبار زندگی کھلا رکھیں ترجمان رینجرز

شہر میں زبردستی ہڑتال کرنیوالوں کی اطلاع رینجرز کی ہیلپ لائن 1101 پر دیں، ترجمان رینجرز۔ فوٹو:فائل

---

ایم کیو ایم کی ہڑتال کی کال کے ردعمل میں ڈی جی رینجرز کی جانب سے جاری ایک بیان میں کہا ہے کہ ہاشم کے قتل کی تحقیقات کریں گے جب کہ ترجمان رینجرز کا کہنا ہے کہ آج کراچی میں ہڑتال نہیں ہوگی، شہری کاروبار زندگی کھلا رکھیں۔

ترجمان رینجرز کی جانب سے جاری بیان میں کہا گیا ہے کہ کسی کا بھی قتل قابل مذمت ہے تاہم بغیر کسی تحقیقات کے ہڑتال کی کال شہری زندگی پر اثرانداز ہونے کی کوشش ہے جو قابل قبول نہیں۔ کسی کو بھی شہری زندگی مفلوج کرنے کی اجازت نہیں دی جائیگی۔ ترجمان رینجرز نے کہا کہ کسی کو زبردستی شہر بند کرانے کی اجازت نہیں دی جائیگی، ملزم ملزم ہے وہ کہیں بھی ہو اسے گرفتار کیا جائیگا۔ ترجمان رینجرز کے مطابق شہر میں زبردستی ہڑتال کرنیوالوں کی اطلاع رینجرز کی ہیلپ لائن 1101 پر دیں ۔