کراچی کے علاقے رنچھوڑ لائن سے 6 ٹارگٹ کلر گرفتار ترجمان رینجرز

گرفتار ملزمان میں خرم، محمود، شاہد، مبین، الیاس اور دیگر شامل ہیں، ترجمان، فوٹو:نذیرشاہ

---

رینجرز نے رنچھوڑ لائن میں کارروائی کرکے 6 ٹارگٹ کلر کو گرفتار کرلیا جن کے قبضے سے بھاری تعداد میں اسلحہ بھی برآمد کیا گیا ہے۔

ترجمان رینجرز کے مطابق کراچی کے علاقے رنچھوڑ لائن میں کارروائی کرکے 6 ٹارگٹ کلرز کوگرفتار کیا گیا جن میں خرم، محمود، شاہد، مبین، الیاس اور دیگر ملزمان شامل ہیں۔ ترجمان کے مطابق گرفتار ملزمان میں خرم عرف مچھڑ بھی شامل ہے، ملزم ایم کیوایم یونٹ 28 کے انچارج اخلاص کا قریبی ساتھی ہے جب کہ ملزم قتل اغوائے برائے تاوان اور اسلحہ چھپانے کی واردات میں رینجرز کو مطلوب تھا۔

ترجمان رینجرز کا کہنا تھا کہ گرفتار ملزم خرم الیاس بھی شامل ہے جس کا تعلق ایم کیوایم یونٹ 28 سے ہے جب کہ ٹارگٹ کلر محمود ایم کیوایم یونٹ 20 کا انتہائی متحرک کارکن ہے، ملزم 2014 میں گرفتار ہوا اور آج کل ضمانت پر رہا تھا۔ ترجمان کے مطابق ٹارگٹ کلر محمود نے دوران تفتیش 47 افراد کے قتل کا اعتراف کیا ہے۔