بالائی سندھمختلف واقعات وحادثات میں3افراد ہلاک6 زخمی

کاراورموٹرسائیکل میںتصادم کے نتیجے میں غلام شبیراوردلبرموقع پردم توڑگئے

---

بالائی سندھ کے مختلف واقعات و حادثات میں 3 افراد ہلاک 6 زخمی ہوگئے۔ گائوں سوہو کناسرا کے قریب تیز رفتار کار اور موٹر سائیکل میں تصادم کے نتیجے میں25 سالہ غلام شبیر اور 26 سالہ دلبر موقع پر ہی ہلاک جبکہ جلال اورگل لاشاری زخمی ہو گئے،

پولیس نے کارڈرائیور شفیع محمد کوگرفتارکرلیا۔ سابق صوبائی وزیرمنظور وسان کے پرائیوٹ سیکریٹری عظیم شاہ کا 15 سالہ بیٹا سرمد شاہ فیض واہ میں نہاتے ہوئے ڈوب کرہلاک ہوگیا۔ رانی پور کے قریب گائوں ولیداد لوند میں لوند برادری کے درمیان تصادم کے نتیجے میں گولیاں لگنے سے حسین بخش، دلمراد، شیر محمد اور ذوالفقار لوند زخمی ہوگئے ،شکارپور میں مقصود احمد ابڑو نے بیروزگاری سے تنگ آکر زہریلی دوا پی کرخودکشی کرلی۔