بونیرمیں باراتیوں کی گاڑی پر فائرنگ سے 4 افراد جاں بحق 3 زخمی

فائرنگ کے نتیجے میں زخمی ہونے والوں کو فوری طور پر قریبی اسپتال منتقل کیا گیا جہاں انھیں طبی امداد دی جا رہی ہے۔ فوٹو: فائل

---

گل بانڈے میں مسلح افراد نے باراتیوں کی گاڑی پر فائرنگ کر دی جس کے نتیے میں 4 افراد جاں بحق اور 3 زخمی ہو گئے۔

ایکسپریس نیوز کے مطابق باراتیوں سے بھری بس شانگلہ سے بونیر جا رہی تھی کہ گل بانڈے کے علاقے میں مسلح افراد نے اندھا دھند فائرنگ کردی جس کے نتیجے میں 4 افراد جاں بحق اور 3 زخمی ہو گئے۔ باراتیوں کی جوابی فائرنگ سے ایک حملہ آور بھی ہلاک ہو گیا۔

مقامی افراد اور امدادی ٹیموں کے اہلکاروں نے فائرنگ کے نتیجے میں زخمی ہونے والوں کو فوری طور پر قریبی اسپتال منتقل کیا جہاں انھیں طبی امداد دی جا رہی ہے۔