سلمان خان قابل اعتماد دوست ہیں کنگنا رناوت

بالی ووڈ اداکارہ کنگنا رناوت اپنی نئی آنے والی فلم’’کٹی بٹی‘‘ کی شوٹنگ میں مصروف ہیں،فوٹو:فائل

---

بالی ووڈ کی کوئین اداکارہ کنگنا رناوت نے کہا کہ سلمان خان قابل اعتماد دوست ہیں اور انہوں نے ہی فلم ''کٹی بٹی'' کے لیے میرا نام تجویز کیا تھا۔

بالی ووڈ کو بلاک بسٹر فلمیں دینے والی اداکارہ کنگنا رناوت کا شمار صف اول کی اداکاراؤں میں ہوتا ہے جب کہ اداکارہ فلم نگری میں اپنے کشیدہ تعلقات کے باعث بھی خبروں کی زینت بنی رہتی ہیں تاہم پہلی بار انہوں نے میگا اسٹار امیتابھ بچن اور عامر خان کے بعد ساتھی اداکار سلمان خان سے دوستی کا اعتراف کیا ہے۔

اداکارہ کنگنا ناوت کا کہنا تھا کہ سلمان خان ان کے قابل اعتماد دوست ہیں جب کہ انہوں نے فلم ''کٹی بٹی'' کے مرکزی کردار کے لیے میرا نام تجویز کیا اور مجھے اسکرپٹ پڑھنے کے لیے کہا جس کے مطالعے کے بعد اسکرپٹ مجھے پسند آیا اور میں نے فلم میں کام کرنے کی حامی بھری۔

واضح رہے کہ بالی ووڈ اداکارہ کنگنا رناوت اپنی نئی آنے والی فلم''کٹی بٹی'' کی شوٹنگ میں مصروف ہیں جب کہ فلم میں اداکار عمران خان بھی مرکزی کردار ادا کررہے ہیں۔