نازیہ حسن کی 15ویں برسی آج منائی جا رہی ہے

موسیقی کی دنیا میں نئے انداز متعارف کرانے والی پاکستانی پاپ گلوکار نازیہ حسن کی 15 ویں برسی آج منائی جا رہی ہے۔

ٹیلی وژن پروگرام ''سنگ سنگ چلے'' سے موسیقی کی شروعات کرنے والی نازیہ حسن اور ان کے بھائی زوہیب حسن کو پاکستان میں پاپ موسیقی کا بانی کہا جاتا ہے جنہوں نے 80 کی دہائی میں بھارتی فلم ''قربانی'' میں "آپ جیسا کوئی میری زندگی میں آئے" گا کر گلوکاری کی دنیا میں دھوم مچائی جس سے انہیں بے پناہ شہرت ملی۔


نازیہ حسن کا پہلا البم'' ڈسکودیوانے''1982 میں ریلیز ہوا جس نے انھیں شہرت کی بلندیوں تک پہنچایا۔ نازیہ حسن نے پرائیڈ آف پرفارمنس سمیت متعدد ایوارڈ حاصل کیے تاہم گلوکارہ 13 اگست 2000 میں کینسر کی بیماری کے باعث 35 برس کی عمر میں انتقال کرگئیں۔

https://www.dailymotion.com/video/x31ihoq_report-on-nazia-hassan_news