ایکشن فلمیں خواتین کو با اختیار بناتی ہیں جیکولین فرنینڈس

KARACHI:
بالی ووڈ کی دلکش اداکارہ جیکولن فرنینڈس کا کہنا ہے کہ ایکشن سے بھر پور فلمیں خواتین کو با اختیار بناتی ہیں۔


بھارتی میڈیا رپورٹس کے مطابق سری لنکا سے تعلق رکھنے والی بالی ووڈ کی کامیاب اداکارہ جیکولن فرنینڈس کا کہنا ہے کہ وہ فلموں میں مکمل ایکشن کردار ادا کر نا چاہتی ہیں، وہ کھیلوں کی شوقین اورایک اتھلیٹک شخصیت ہیں، انہیں اچھا نہیں لگتا جہاں دوسرے اداکار تو ایکشن فلمیں کرتے تھے اوروہ گھر پر ہوتی تھیں۔

جیکولین فرنینڈس کہنا تھا کہ انہیں سنیما میں بہترین چیز ایکشن فلمیں ہی لگتی ہیں جس سے بااثر خواتین کوبھی دکھایا جاسکتا ہے اوروہ ہمیشہ ایسی فلمیں کرنے کے لیے تیاررہتی ہیں تاہم ان کا یہ بھی کہنا تھا کہ انڈسٹری میں بھی ایسی بہت سی اداکارائیں ہیں جو کہ ایکشن رولز کا باخوبی کر سکتی ہیں۔