ملک بھر کی طرح کراچی میں بھی یوم آزادی انتہائی جوش و جذبے کے ساتھ منایا جا رہا ہے اور اس موقع پر ہر سال کی طرح مزار قائد پر گارڈز کی تبدیلی کی پروقار تقریب منعقد ہوئی۔

مزار قائد پر گارڈز کی تبدیلی کی تقریب کے مہمان خصوصی کمانڈنٹ نیول اکیڈمی کموڈور فواد امین بیگ تھے جنھوں نے مراز قائد پر فاتحہ خوانی کی اور پھولوں کی چادر بھی۔ پاکستان نیوی کے چاک و چوبند دستے نے مزار قائد پر سیکیورٹی کے فرائض سنبھالے، پاکستان نیوی کے 48 کیڈٹس اور 48 سیلرز نے سیکیورٹی کے فرائص سنھالے۔ کموڈور فواد امین بیگ نے مہمانوں کی کتاب میں اپنے تاثرات بھی لکھے۔