عمران خان نے ریحام خان کی سیاسی سرگر میوں پر پابندی لگادی
ریحام خان آئندہ پی ٹی آئی کی کسی تقریب یا فنکشن میں شرکت نہیں کریں گی، عمران خان
پارٹی کی جن تقریبات میں مدعو کیا گیا ہے ان سے معذرت چاہتی ہوں ش، ریحام خان۔ فوٹو: فائل
عمران خان نے اہلیہ ریحام خان کی سیاسی سرگرمیوں پر پابندی عائد کرتے ہوئے کہا ہے کہ ریحام خان اب پی ٹی آئی کی کسی تقریب میں نہ شریک ہوں گی اور نہ ہی پارٹی میں انہیں کوئی عہدہ دیا جارہا ہے۔
ایکسپریس نیوز کے مطابق سماجی رابطے کی سائٹ ٹوئٹر پر عمران خان کا کہنا تھا کہ ریحام خان ہری پور انتخابی جلسوں میں امیدوارکے اصرار پر شریک ہوئیں اور یہ بات ریکارڈ کا حصہ ہے کہ ریحام خان نے ہمیشہ پی ٹی آئی ممبرز اور خاص طور پر خواتین کی جانب سے بلائے جانے پر ہی کسی بھی تقریب میں شرکت کی تاہم ضمنی الیکشن میں شکست کے بعد ریحام خان پر تنقید حیران کن ہے۔
عمران خان کا کہنا تھا کہ ریحام خان آئندہ تحریک انصاف کی کسی بھی تقریب میں شرکت نہیں کریں گی کیوں کہ ان کے پاس عوام کی خدمت کرنے کے لئے بہت کچھ ہے اور خاص طور پر اسٹریٹ چائلڈ کے لئے وہ کوششیں کر رہی ہیں۔ ان کا کہنا تھا کہ تحریک انصاف موروثیت کی شدید مخالف ہے اسی لئے ان کی اہلیہ ریحام خان کو پارٹی پوزیشن نہیں دی جارہی اور نہ ہی وہ خیبرپختونخوا حکومت کا حصہ بن رہی ہیں اور انہیں سرکاری پروٹوکول بھی نہیں دیا جارہا۔
چیئرمین تحریک انصاف نے وضاحت کی کہ کراچی میں قومی اسمبلی کے حلقہ این اے 246 میں ریحام خان نے ان کے کہنے پر دورہ کیا کیوں کہ ہم چاہتے تھے کہ لوگوں کے دلوں میں چھپا خوف نکالا جائے اور خواتین کو ووٹ ڈالنے کے لئے گھروں سے باہر نکالا جائے۔ ان کا کہنا تھا کہ تحریک انصاف کے دھرنے کی ایک کامیابی یہ بھی ہے کہ نوجوان اور خواتین سیاسی ہوگئے اور ان میں سیاسی سمجھ بوچھ آگئی کیوں کہ سیاسی سمجھ بوچھ کی وجہ سے ہی لوگ اپنے حقوق اور ناانصافی کے خلاف لڑ سکتے ہیں۔
دوسری جانب عمران خان کے ٹوئٹ کے فوراً بعد ٹوئٹر پر ہی اپنے ایک بیان میں ریحام خان نے شوہر کے فیصلے پر سر تسلیم خم کرتے ہوئے پی ٹی آئی کی تمام تقریبات میں شرکت سے معذرت کرتے ہوئے کہا کہ اب پاکستان تحریک انصاف کے کسی پروگرام میں شرکت نہیں کروں گی اور پارٹی کی جن تقریبات میں مدعو کیا گیا ہے ان سے معذرت چاہتی ہوں۔
واضح رہے کہ ریحام خان کی سیاسی سرگرمیوں کی وجہ سے سوشل میڈیا اور سیاسی حلقوں میں تحریک انصاف کو شدید تنقید کا نشانا بنایا جارہا تھا جس عمران خان شدید پریشان تھے۔
https://www.dailymotion.com/video/x324vc0_reham-khan_news
ایکسپریس نیوز کے مطابق سماجی رابطے کی سائٹ ٹوئٹر پر عمران خان کا کہنا تھا کہ ریحام خان ہری پور انتخابی جلسوں میں امیدوارکے اصرار پر شریک ہوئیں اور یہ بات ریکارڈ کا حصہ ہے کہ ریحام خان نے ہمیشہ پی ٹی آئی ممبرز اور خاص طور پر خواتین کی جانب سے بلائے جانے پر ہی کسی بھی تقریب میں شرکت کی تاہم ضمنی الیکشن میں شکست کے بعد ریحام خان پر تنقید حیران کن ہے۔
عمران خان کا کہنا تھا کہ ریحام خان آئندہ تحریک انصاف کی کسی بھی تقریب میں شرکت نہیں کریں گی کیوں کہ ان کے پاس عوام کی خدمت کرنے کے لئے بہت کچھ ہے اور خاص طور پر اسٹریٹ چائلڈ کے لئے وہ کوششیں کر رہی ہیں۔ ان کا کہنا تھا کہ تحریک انصاف موروثیت کی شدید مخالف ہے اسی لئے ان کی اہلیہ ریحام خان کو پارٹی پوزیشن نہیں دی جارہی اور نہ ہی وہ خیبرپختونخوا حکومت کا حصہ بن رہی ہیں اور انہیں سرکاری پروٹوکول بھی نہیں دیا جارہا۔
چیئرمین تحریک انصاف نے وضاحت کی کہ کراچی میں قومی اسمبلی کے حلقہ این اے 246 میں ریحام خان نے ان کے کہنے پر دورہ کیا کیوں کہ ہم چاہتے تھے کہ لوگوں کے دلوں میں چھپا خوف نکالا جائے اور خواتین کو ووٹ ڈالنے کے لئے گھروں سے باہر نکالا جائے۔ ان کا کہنا تھا کہ تحریک انصاف کے دھرنے کی ایک کامیابی یہ بھی ہے کہ نوجوان اور خواتین سیاسی ہوگئے اور ان میں سیاسی سمجھ بوچھ آگئی کیوں کہ سیاسی سمجھ بوچھ کی وجہ سے ہی لوگ اپنے حقوق اور ناانصافی کے خلاف لڑ سکتے ہیں۔
دوسری جانب عمران خان کے ٹوئٹ کے فوراً بعد ٹوئٹر پر ہی اپنے ایک بیان میں ریحام خان نے شوہر کے فیصلے پر سر تسلیم خم کرتے ہوئے پی ٹی آئی کی تمام تقریبات میں شرکت سے معذرت کرتے ہوئے کہا کہ اب پاکستان تحریک انصاف کے کسی پروگرام میں شرکت نہیں کروں گی اور پارٹی کی جن تقریبات میں مدعو کیا گیا ہے ان سے معذرت چاہتی ہوں۔
واضح رہے کہ ریحام خان کی سیاسی سرگرمیوں کی وجہ سے سوشل میڈیا اور سیاسی حلقوں میں تحریک انصاف کو شدید تنقید کا نشانا بنایا جارہا تھا جس عمران خان شدید پریشان تھے۔
https://www.dailymotion.com/video/x324vc0_reham-khan_news